السؤال يقول:
" كيف اســتـــقــــل وماعندي مصدر دخل؟
كيف استقل، كيف أوازن نفسي و أنا ما عندي مصدر دخل و حاسة بتقييد
ما عندي خطة واضحة في ايش أبدا
اوقات احس في تشتت
لمن ادور على مصدر دخل زي الان احس مشتتة
ما بين كيف تبغي تستقلّي و ما عندك فلوس و أشياء مرة كتير "
الجواب:
القسم الأول: مربط الفرس للعبة الحياة ← أهم إدراك يوصلك الآن ورح يغير واقعك
القسم الثاني: قصص واقعية لأشخاص حولوا أصولهم لسيولة مالية وصنعوا ثروات، بالضبط بنفس الطريقة اللي ذكرتها لك في القسم الأول
القسم الثالث: خطوات عملية تقدرين تسوينها الآن عشان تعرفين الكنوز اللي تملكينها (وبتسخير الذكاء الاصطناعي لخدمتك) لاكتشاف بصمتك الروحية / غايتك/ صوت روحك/ احتمالك الأفضل الآن
القسم الرابع: اسئلة وإدراكات لهز الحواجز النفسية والعتقدات اللي تمنعنا من تجسيد حياة احلامنا
القسم الأول: مربط الفرس للعبة الحياة ← أهم إدراك يوصلك الآن ورح يغير واقعك
لما تقولين ما عندي “مصدر دخل”
انتي تقصدين بــ “مصدر دخل” -> عملة نقدية ورقية او رقم في البنك صح؟
العملة الورقية او الرقم اللي في البنك ونصرفه ويطلع “فلوس”
هذي النسخة السائلة من المال —> “سيولة مالية”
ما قبل السيولة والأهم من السيولة هو “الأصل” (ما اقصد المعنى الشائع للأصل، رح اوضحلك بعد شوي اللي اقصده)
الأصول اللي عندك تقدري تسوي لها عملية “تحويل” لـ “سيولة مالية” او تحتفظي فيها كأصول
وهنا مربط الفرس للعبة الحياة في هذي التجربة الأرضية
تركيزك على الأصول بدل السيولة رح يخليك تدخلين عالم الثراء من أوسع أبوابه …. ورح اتأكد ان هالشي رح يصير بنهاية هذي المقالة
الثراء المادي عبارة عن إدراك وبعدين تطبيق …. رح اقولك كل شي اعرفه بأبسط طريقة عشان انقل لك الإدراك وطريقة التطبيق بالخطوات
يلا نبدأ ….
أول شي ——> ايش الأصول؟
المعنى الدارج أو الشائع عن الأصول هي -> العقار/الأرض، الذهب، الشركات، السيارات … و……
ولكن كل هذولي مجرد شكل واحد من أشكال الأصول،
لأن الأصول مو مجرد أرض وذهب … فيه أشكال ثانية والسر يكمن في إدراكك للأشكال الثانية
الحقيقة
كل شي تملكينه
عبارة عن أصول
وانتي تملكين الكثير
انتي تملكين أكثر بكثييييير من الأموال اللي ترغبين فيها
البصمة الخاصة فيك اللي تميز طريقتك وأسلوبك ورؤيتك للحياة عن رؤية أي شخص ثاني،
و مهاراتك،
و علاقاتك،
و تجاربك وقصصك ومشاكلك وتحدياتك اللي تجاوزتيها ….
كل شي تسوينه وكل شخص تقابلينه وكل عادة وكل ممارسة وكل طقس وكل روتين ..
عبارة عن أصول
ولكن
ركزي معاي
عشان تحولين الأصل لسيولة مالية يحتاج تدركين المشكلة وتصنعين الحل وتقدمين الحل بمقابل مادي
اقري الجملة مره ثانية
👇🏻
عشان تحولين الأصل لسيولة مالية
يحتاج تدركين المشكلة
وتصنعين الحل
وتقدمين الحل بمقابل مادي
رح اذكرلك قصص واقعية بعد شوي لأشخاص حولوا أصولهم لسيولة مالية بالطريقة اللي ذكرتها بالضبط …
بس قبل القصة
ابي الإدراك يوصلك ….
تعرفين عملية تحويل البخار إلى ماء …
البخار حولنا طول الوقت ولكن ما نشوفه (حقيقة علمية) .. لما نسويله تقطير بدرجة حرارة معينة -> يبدأ يتحول إلى قطرات ماء
صح؟
بنفس الطريقة هذي تحولين الأصول (اللي موجودة فيك وفي كل مكان حولك) إلى سيولة مالية
لنفترض إنك في هذي اللحظة ركزتي على أصل واحد من أصولك وقررتي تسوين له عملية “تقطير” عشان يتحول إلى “سيولة مالية” في حسابك البنكي او كاش تمسكينه بيدك
كيف نسوي عملية تقطير للأصول ونحولها لسيولة مالية؟
عملية تقطير الأصول وتحويلها لسيولة مالية اسمها -> البيع
كيف يصير البيع ؟
شخص عنده مشكلة، وانتي عندك الحل -> تعطينه الحل وهو يعطيك “سيولة مالية/فلوس”
الحل اللي عندك هو أصل تملكينه ( تملكينه الآن في هذه اللحظة بس ما أدركتيه، بنتكلم عنه بعد شوي)
لما تبادلين هذا الأصل بسيولة مالية -> تصير عملية البيع -> تقطير الأصول
باختصار
البيع تبادل -> نعطيك حل وتعطينا فلوس
كيف يلقاك الشخص اللي عنده مشكلة عشان تقدمين له الحل؟
بالتسويق
ايش التسويق؟
انك تقولين بصوت عالي للناس اللي عندهم المشكلة ان عندك الحل
كأنك تمسكين مايك مشبوك على مكبرات صوت وزعتيها في العالم
وبأعلى صوت تقولين وفي يدك المايك
“ يا هووووه اللي صارله سنتين عنده المشكلة الفلانية ترا جبت الحل وبيحل مشكلتك خلال أسبوعين …”
“ يا جماعة ترا عندي الحل الفلاني للمشكلة الفلانية “
وتعيدين هالجملة كل يومين بأسلوب مختلف ….
اخليها أبسط ….
المايك = صوتك أو رسالة منك
ومكبرات الصوت تقدرين تحطينها عند:
صديقاتك، أو
السوشال ميديا ، أو
قروبات الواتس أب والتلقرام، أو
النادي الرياضي اللي تروحين له أو
عائلتك وأقربائك أو
وهذي ركزي عليها
👇🏻
القروبات والمجتمعات اونلاين اللي موجودة على مواقع وتطبيقات زي Skool و Circle و غيرها (بالمناسبة فيه مجتمعات اونلاين لكل شي -> التقنية والذكاء الاصطناعي، الكوتشنق والتشافي، التصميم الداخلي، الأمومة، الفنون، الطبخ، الكتابة، الحفلات والمناسبات، الرياضات، ورش الأطفال، الحفاظ على البيئة، السفر، المغامرات، العلاقات العاطفية …. كل تخصص دقيق لو بحثتي رح تلقين له قروب او مجتمع اونلاين وداخل المجتمع رح تلاقين الناس اللي مهتمين في هذا المجال ومن بينهم ناس عندهم مشاكل في هذا المجال وانتي سويتي حل! )
هل تحطين مكبرات الصوت في كل مكان؟
لا … حطيها عند القروب اللي عندهم المشكلة اللي انتي تحلينها
عشان ما تضيعين وقتك مع الناس اللي ماعندهم المشكلة أو يمكن عندهم المشكلة بس ما يبحثون عن حل
وهذا اسمه الاستهداف الصح للأشخاص الصح
- ملاحظة جانبية/ احذري مع الناس اللي عندهم المشكلة بس ما يبحثون عن حل -> لأن مارح يقولون لك انهم ما يبحثون عن حل وممكن يشفطون طاقتك -> ياخذون من وقتك وانتباهك واذا جا وقت الدفع يختفون
التسويق والمبيعات علم مو فن،
لو ١٠٠ شخص عندهم المشكلة اللي تحلينها، و عرفوا ان عندك الحل
٢٠ منهم ممكن جديا يهتمون
و ٥ منهم ممكن يشترون
تقدرين تبيعين لعدد أكبر من الأشخاص،
لما عدد أكبر من هذولي الأشخاص (اللي عندهم المشكلة) يعرفون انك موجودة وعندك الحل
لو ١٠٠٠ شخص عندهم المشكلة اللي تحلينها وعرفوا ان عندك الحل
٢٠٠ منهم ممكن جديا يهتمون
و ٥٠ منهم ممكن يشترون
طيب لما تمسكين المايك -> ايش الصوت أو الرسالة اللي تقولينها للناس
عشان تحولين الحل اللي صنعتيه لـ “سيولة مالية”
الجواب يعتمد على معرفتك بالمشكلة اللي انتي تحلينها
كل ما عرفتي المشكلة أكثر كل ما كانت رسالتك صادقة وحقيقية أكثر وبالتالي مقنعة أكثر
الإقناع يجي من الصدق والتجربة
اذا كانت المشكلة واضحة لك …
لما تمسكين المايك رح تعرفين بالضبط وش تقولين
مربط لعبة الحياة
الإدراك اللي رح يوصلك الآن
👇🏻
في كل تفاعل مع العالم الخارجي انتي تسوين عملية تبادل اصلا
طوال الوقت تبادلين أصول بأصول
(لما تطلعين مع صديقاتك انتي تبادلينهم وقتك وطاقتك وحديثك مقابل وقتهم وطاقتهم وحديثهم …)
لما تكتشفين مشكلة تحبينها وتصنعين لها حل وتقدمين هذا الحل بمقابل مادي
هنا انتي تبادلين أصل (الحل اللي صنعتيه) بسيولة مادية
دخولك لعالم الثراء في السيولة المالية يبدأ مباشرة لما تبدين تشوفين كل شي حولك وداخلك كأصول
👆🏻
خذي لحظة واسمحي لهذي الجملة تكرر صداها في داخلك
القسم الثاني: الآن بحكيلك قصص واقعية لأشخاص حولوا أصولهم لسيولة مالية وصنعوا ثروات، بالضبط بنفس الطريقة اللي ذكرتها لك وبنفس البساطة
لأن صناعة السيولة المالية بسيطة جددا ، لسبب ما تعقدت
وجا الوقت اننا نتخلص من التعقيد …
القصة الأولى
قصة سارة
سارة اكتشفت الأصل اللي عندها من خلال مشاكل صديقاتها ، وسوت بزنس نادر في السوق السعودي وبنفس الوقت عليه طلب
سارة تعشق الحيوانات وبالذات الكلاب والقطط واغلب صديقاتها عندهم كلاب وقطط ..
في يوم من الأيام وحدة من صديقات سارة ودت كلبها لحاضنة كلاب وسافرت لمدة شهر،
لما رجعت واخذت الكلب من الحاضنة لقته تعبان وبعد فترة مات
وحزنت جدددا وراحت لسارة وبكوا كثير على الكلب وكانوا غاضبين جدا وزعلانين بسبب الحاضنة المهملة واخطاءهم
وبعد هالموقف بكم يوم … وفي لحظة هدوء وصفاء … فجأة سارة اكتشفت ان حادثة الكلب مو أول مره تصير وان أكثر من صديقة لها تعرضوا لنفس الموقف في الماضي، سواء مرض الكلب او موته
وقررت تسوي بنفسها حاضنة وفندقة للكلاب وتقدم فيها رعاية استثنائية على كل الأصعدة: النظافة، الغذاء، الجانب النفسي و….
وقررت انها تبدأ الحاضنة في بيتها …
وارسلت رسالة لصديقاتها تحكيلهم: أنا قررت أبدأ حاضنة/فندقة للكلاب — اللي تحب تترك كلبها عندي،
سألوها عن السعر، وسألتهم، كم السعر اللي تدفعونه بالعادة للحاضنة؟ قالولها السعر …. قالت خلاص نفس السعر ولكم خصم ٢٠٪ لأنكم صديقاتي،
وبدت المشروع لصديقاتها فقط في البداية، وصديقاتها نشروا الخبر وبلغوا اصدقاءهم … وانتشر الخبر اكثر واكثر … وبعد ٤ شهور قررت سارة انها تطلع الأوراق الرسمية للبزنس وتستأجر مكان للحاضنة (لأن كانت تسويها في بيتها ولكن عدد الكلاب زاد) وأيضا سوت حسابات سوشال ميديا للتسويق
وكملت …
تعالي نحلل القصة ونستكشف …
ايش الأصول اللي عند سارة؟
حبها وموهبتها في التعامل مع الحيوانات + صديقاتها وصديقات صديقاتها وعلاقاتها بشكل عام + البيت والمساحة الإضافية اللي عندها في البيت + الحماس اللي عندها لما تتكلم عن المشروع
ايش الحل اللي صنعته (بالاعتماد على الأصول الفطرية اللي عندها) -> رعاية استثنائية للكلاب على كل الأصعدة: النظافة، الغذاء، الجانب النفسي و….
كيف اكتشفت المشكلة -> من مشاكل صديقاتها المتكررة
كيف قدمت الحل -> رسالة واتس أب لصديقاتها، ولما تلتقي معاهم أو تروح مناسبة تتكلم عن مشروعها وقصته + أحيانا تقدم هدايا جدا بسيطة للكلاب مع بطاقة باسم المشروع
كيف تطورت في تقديم الحل؟ -> تصور وقتها مع الكلاب واهتمامها فيهم وتنزله كمحتوى عالسوشال ميديا، سوت منتجات طبيعية من مواد جدا بسيطة لتعطير الكلاب
كل ما تزيد إيراداتها المالية من المشروع، تخصص جزء منها للتطوير -> تجيب ألعاب مثلا، ترتب الأثاث والمكان أكثر
أفكار التطوير لا نهائية -> والشي الحلو ان العملاء والأصدقاء الداعمين طوال الوقت رح يعطونك أفكار بشكل مباشر او غير مباشر
ايش نتائج عملية تحويل الأصول لسيولة مالية؟
صديقتي كانت تشتغل مع سارة في بداياتها، وسألتها عن الأرقام ← بالشهر الواحد -> ٢٠ - ٢٥ ألف -> هذا الرقم في مراحل المشروع الأولى -> مع الوقت ومع وصولهم لعدد أكبر من الناس اللي عندهم المشكلة والاحتياج، طبيعي تضاعف الرقم
القصة الثانية
قصة صاحب العقارات، خلينا نسميه “محمد”
محمد صاحب عقارات … وصديق مقرب لعائلتي الصغيرة (أنا وزوجي) ← في السنتين الأخيرة كنا نلتقي بشكل شبه أسبوعي مع محمد ومجموعة أشخاص نجلس ونسولف ونتسامر ….
محمد صار مليونير من التواصل
شغله عبارة عن تواصل وكلام
حرفيا التجسيد الحرفي لكلمة “يبيع الهوى”
بس محمد ما يبيع الهوى، ولكن يبيع أراضي ما يملكها
يعني يروح لصاحب الأرض و “يتواصل” معاه و “يقنعه” انه يخليه (وكيل أو مسوق عقاري لهذي الأرض)
و بعدين الناس اللي عندهم مشكلة “البحث عن أرض الأحلام”
يشوفون الإعلان ويتصلون على محمد
يرد عليهم —> يسأل الأسئلة الصح، يستخدم الكلمات الصح، ويلامس الشعور الصح …
و يقفل الصفقة وياخذ نسبة من الصفقة
ايش الأصول اللي يستخدمها محمد؟
التواصل وبناء الثقة والجرأة
والثقة القوية في النفس النابعة من الإيمان العالي ( عنده إيمان عالي بالله سبحانه وتعالى، دايما يقول لنا “انا لو تقفلون علي الآن في مكاني وما تعطوني ولا شي عندي إيمان إن الله يخليني اخترق الجدار واطلع” وهذي مو مجرد جملة يقولها، هذي فعلا حقيقته ومجسدها في كل لحظة )
وبالمناسبة أول صفقة قفلها محمد صارت كالتالي:
كان في لاونج فندق، وكان جالس جنبه شخص … تعرف على الشخص وبعد أقل من شهر سوا صفقة لهذا الشخص ونجحت الصفقة وأخذ نسبته
محمد يدهشني ويلهمني صراحة، لأني فعليا اشوفه يبيع الهوى
والشخص اللي يبيع الهوى فاهم لعبة الحياة
ملاحظة جانبية الناس اللي متطرفين في الثراء المادي لما يزيد تطرفهم جدا، في لحظة ممكن يوصلون للتطرف الروحاني او الاستنارة، لأن إدراك حقيقة “بيع الهوى” تشبه الحقيقة اللي يدركها شخص صارله يتأمل في معبد لمدة ٤ سنوات (عندي لقاء مع هذا الشخص، رح اشاركه قريبا)
نرجع لمحمد
اغلب وقته سفر واستمتاع … ليه؟
لأنه يعرف ان الأصل اللي عنده هو التواصل وبناء العلاقات … ويستثمر كل يوم في هذا الأصل -> يعرف انه عشان يقدر يتواصل بشكل جيد يحتاج يستمتع ويكون مبسوط اغلب الوقت .. عشان لما يتكلم مع صاحب الأرض او مع العميل اللي بيشتري، يقدر يعطيه طاقة حلوة وهالشي يساعد ان الصفقة تتم وتنجح -> ويعرف كمان أهمية صقل وتطوير أصوله ← كيف يستخدم الكلمات الصح والأسلوب الصح والصوت الصح والنبرة الصح وحركة الجسد الصح
محمد يتدرب على صقل وتطوير أصوله كل يوم باستمتاع وبدون ما يحس
مو غاصب نفسه، لا …. هو فعلا مستمتع وما يسميها “تدريب”
وهذي حالة الجمال واليسر والبركة والتدفق لما الشخص يدرك أصوله الفطرية ويدرك قيمتها ويقدر نفسه
محمد دايما يقول “أنا أحب نفسي”، “أحب استمتع”، “الحياة حلوة”
ايش نتائج عملية تحويل الأصول لسيولة مالية عند محمد؟
٢.٥٪ من قيمة الصفقة (من الطرفين أحيانا) -> لو الأرض بمليون (بيع) -> ٥٠ ألف —> بالإضافة لخدمات أخرى يقدمها في حالة الإيجار وإدارة الأملاك
اذا عجبتك قصة محمد
تقدرين تسوين زيه، ومو بس في العقار
محمد يشتغل -> “وسيط” عقاري
وكلمة “وسيط” فيها أصل جدا مهم واحتمالات لا نهائية من التبادل وتحويل الأصل إلى “سيولة مالية”
انتي الآن، تقدرين تروحين لأي شخص يقدم خدمة أو منتج وتقولين له بشتغل معاك كـ “وسيط”، اجيبلك عملاء وتعطيني نسبة
بمعنى آخر، اللي يسويه محمد … نقدر كلنا نسويه في أي مجال
هذا النوع من البزنس (اذا حابه تبحثين عنه) اسمه -> Online Growth Partner
ولكن السؤال المهم ، هل هذي المشكلة اللي تحبين تحلينا أو لا …
اذا لا ، معناته ….. كملي بحثك عن المشكلة
القصة الثالثة
قصتي
هذا اللي سويته عشان اجيب المليون الأول والثاني …
عندي مهارة الرؤية الإبداعية والإخراج الإبداعي للأشياء ….
يعني لو كنتي جالسة معاي وقلتيلي نور ابي اسوي حفل زواج استثنائي والرياض ما شافت زيه من قبل ….
رح اسئلك اسئلة كثييييرة عشان افهم اللي في بالك (وبعد ما اسأل كل الأسئلة الفنية والتقنية عن المكان والثيم والألوان و…. رح اسأل اسئلة مالية، كم ميزانيتك؟ وهل مستعدة تدفعين دفعة أولى عشان اقدم لك الحل؟ … )
وبعدين رح ارسل لك عقد يضمن حقي وحقك قبل ما اشتغل …
لما توقعين العقد
ابدأ الشغل، أول شي مرحلة التخطيط والتصميم، رح اجلس جلسة رايقة وابحث وافكر واتخيل واجمع خيالاتي وافكاري وبعدها .. اكلم مصمم واضحله الفكرة واطلب منه يصممها ويرسل لي التصميم ….
وبعدين رح اكلم الأشخاص حقين الديكور والخشب والورد والضيافة و…. … واشوف بكم ينفذون هذا التصميم …
لما اعرف السعر النهائي ازيد عليه ٢٠-٤٠٪ جزء منها للمخاطر والباقي للأرباح
وبعدها بجلس معاك جلسة رايقة واعرض عليك تصميم قصة يوم زفافك اللي مافيه زيها… بعرضها عليك كأنها صارت، واذا عندك تعديلات نعدلها واذا ما عندك، ارسل لك العرض المالي، تراجعينه و تبدين اجراءات الدفع عشان نبدأ التنفيذ
هذا بالضبط اللي سويته بس الفرق اني بدل تصميم حفلات الزواج انا اصممم مؤتمرات، بس خليتها حفل زواج في القصة لأنها أسهل للخيال
تحليل القصة …. ايش الأصول اللي حولتها لسيولة مالية؟
أول أصل: التخطيط والخيال
ثاني أصل: العلاقات … لو تلاحظين أنا ما نفذت شي، مو أنا اللي صممت، ومو أنا اللي سويت الديكور ولا ….. ولا …… ولا …… العلاقات من أعظم الأصول، الأشخاص الصح يختصرون عليك الطريق ويدعمونك
لما كنت اسوي المشروع اللي جابلي أول مليون، ما كان عندي فلوس ادفع مقدما للمصممين أو اللي رح يسوون الديكور او اللي رح يصورون الحفل أو …. الثقة كانت الأصل، وثقوا ان حقهم رح يوصلهم مني … لو ما صار هالشي، ماكنت اقدر اسوي أي شي
ولو كنتي لسه بادية في مجال ولسه ما كونتي السمعة وبنيتي الثقة،
حطي في بالك ان هذا الأصل يحتاج ترعينه وتنتبهين له وتسقينه
عشان كذا فيه أشخاص يقولون توظف في المجال اللي تبي تسوي فيه مشروع وبعد سنتين أو ثلاث سنوات ابدأ المشروع (عشان تبني السمعة أول) ← وهذا اللي سويته في مجال صناعة المؤتمرات
بس الآن جالسه ادخل مجال ثاني وثالث واكتشفت إننا
نقدر نبني السمعة في وقت أقل بكثير، باختصار ابدئي مشروعك وقدمي حلين، حل مجاني وحل مدفوع …. من خلال الحل المجاني تبنين سمعة وثقة
ركزي عالعطاء .. كل عطاء تعطينه رح يُرد لك بأشكال وطرق ما تتخيلينها
ثالث أصل: الإنصات والأسئلة الصح
ملاحظة/ المشكلة العامة عند العميلة هي حفل الزواج، المشكلة الدقيقة ممكن تكن انها خايفة تطيح ، او خايفة يكون حفل زواجها اقل من حفل زواج بنات العايلة او … لما اعرف المشكلة الدقيقة رح اعرف ازبطلها الحل … لو كانت خايفة تطيح مثلا، رح انتبه لهالشي جدا في التصميم
ايش نتائج عملية تحويل الأصول لسيولة مالية؟
أقل مؤتمر قيمته ٣٠٠ - ٥٠٠ ألف كإيرادات
ولو كنا نتكلم عن حفلات الزواج، وأحد عميلاتي تشتغل في مجال الزواجات -> أقل حفل زواج تمسكه زميلتي يبدأ من ٤٠ ألف
رجع لك
القسم الثالث: خطوات عملية تقدرين تسوينها الآن عشان تعرفين الكنوز اللي تملكينها (وبتسخير الذكاء الاصطناعي لخدمتك) لاكتشاف بصمتك الروحية / غايتك/ صوت روحك/ احتمالك الأفضل الآن
ايش المشكلة اللي حابة توجدين لها حل، وتقدمين هذا الحل بمقابل مادي؟
حكيتلك إن الحل هو أصل موجود عندك لأنه يعتمد على بصمتك الخاصة كروح ….
أنا وانتي ممكن نشوف نفس المشكلة ولكن كل وحدة فينا رح تشوفها وتحللها بطريقة مختلفة تماما
عشان نكتشف الحل اللي عندك -> نحتاج نعرف بصمتك الروحية -> المشكلة اللي روحك تحب تحلها (فيه تسميات مختلفة للبصمة الروحية -> غاية أو رسالة أو صوت الروح أو الاحتمال الأفضل ….. المعنى واحد )
عشان نعرفين بصمتك الروحية -> وبالتالي تقدرين تعرفين المشكلة اللي تحبين تحلينها وتبادلين الحل “بسيولة مالية”
يحتاج نستخدم التحليل -> ومو لازم انتي تحللين -> بنخلي الذكاء الاصطناعي هو اللي يحلل -> وانتي تراجعين وتتأكدين من تحليله
وعشان نخليه يحلل -> يحتاج نعطيه بيانات من قصتك انتي وتجاربك -> نفترض اني عطيتك ٣٠ سؤال عنك -> وكتبتيلي ١٠ صفحات للإجابة عن هالأسئلة -> اللي كتبتيه عبارة عن بيانات مهمة جدا -> ندخلها للذكاء الاصطناعي ونطلب منه يعطيك المشاريع اللي تقدرين تبدينها الآن وتتوافق مع بصمتك الروحية
جاهزة؟
البرومت الأول ← دخليه لكلاود أو جيميناي أو شات جي بي تي، او جربيهم كلهم
الهدف من البرومت ← يعطيك اسئلة عنك تجاوبين عليها من قصصك وتجاربك)
البرومت
“اسألني اسئلة تخليني اعرف افضل احتمال بزنس لي، انا ابي اطور حل لمشكلة واقدم هذا الحل كخدمة او منتج واحقق ربح مليون ريال سعودي خلال سنة أو سنة ونصف … وابي هذا البزنس يكون مناسب لي ولشخصيتي واكون استمتع وانا اشتغل عليه (عطني الأسئلة بناء على فلسفة الإيكي قاي اليابانية) وأيضا عطني الأسئلة بناء على SWOT Analysis وأيضا بناء على مشاكل صديقاتي ومجتمعي، لأتمكن من معرفة أفضل خيار لي كمشروع أو بزنس شخصي، وأيضا لأتمكن من معرفة مواطن قوتي وتعزيزها ومواطن ضعفي لأضع خطة لها — عطني اسئلة عميقة لا تقل عن ٣٠ -٤٠ سؤال تجعلني اتذكر المواقف والتحديات والقصص التي مررت بها لأعرف مواطن قوتي وأعظم مهاراتي واحتمالي الأفضل وأفضل مسار لي كبزنس مربح ومريح وممتع ومناسب لاحتياجات السوق ويحل مشكلة حقيقية”
بعد ما يعطيك الأسئلة، عطي لنفسك مدة ما تقل عن يومين - ٣ أيام للإجابة
لأن البيانات اللي رح تكتبينها من قصتك الشخصية هذي كنوز وأصول قوية عندك …. اكتبيا على رواق بفخر وقدريها
البرومت الثاني ← ارفعي للذكاء الاصطناعي البيانات والقصص اللي كتبتيها من تجاربك الشخصية، واطلبي منه يحللها ويعطيك بصمتك الروحية (أصولك ← المشكلة اللي تحبين تحلينها والحل اللي تقدرين تحولينه لسيولة مالية)
البرومت
“ انت سألتني اسئلة تخليني اعرف افضل احتمال بزنس لي، انا ابي اطور حل لمشكلة واقدم هذا الحل كخدمة او منتج واحقق ربح مليون ريال سعودي خلال سنة أو سنة ونصف وابي هذا البزنس يكون مناسب لي ولشخصيتي واكون استمتع وانا اشتغل عليه (سألتني أسئلة بناء على فلسفة الإيكي قاي اليابانية) وأيضا بناء على SWOT Analysis لأتمكن من معرفة مواطن قوتي وتعزيزها ومواطن ضعفي لأضع خطة لها، لأعرف مواطن قوتي وأعظم مهاراتي واحتمالي الأفضل وأفضل مسار لي كبزنس مربح ومريح وممتع ومناسب لاحتياجات السوق ويحل مشكلة حقيقية، انا جاوبت هذي الأسئلة ورح اعطيك الجواب الآن وارغب منك أن تحلل هذا الجواب وتعطيني أفضل ٥ احتمالات بزنس لي وتبين لي حجم السوق والطلب عليها وتعطيني خطة واضحة وبسيطة للبدء وتحقيق أول ١٠٠$ اذا التزمت وطبقت هذي الخطة وكم الوقت الفعلي لتحقيق ذلك، وما هي اسهل واسرع طريقة لتطبيق هذه الخطة باستخدام الذكاء الاصطناعي لكي يختصر علي المهام واوصفلي الأشخاص اللي رح يستفيدون من هذا الحل اللي اقدمه وليش رح يستفيدون من هذا الحل بالذات وهل فيه حلول أخرى وكيف اتميز عن هذي الحلول، وكم المبلغ المناسب لتسعير هذا الحل بناء على أسعار السوق”
وبعد ما يعطيك التحليل ….. خذي وقتك معاه ….
اقرئيه أكثر مره ….
فكري فيه وتأمليه
و قرري أي مشكلة وأي مشروع من المشاريع اللي اقترحها عليك الذكاء الاصطناعي بعد تحليل بياناتك الشخصية
حابه انك تختارينه كأصل تحولينه بشكل مستمر لسيولة مالية
والآن ممكن يجي سؤال في بالك
هل هذا الحل هو الحل النهائي والمسار النهائي والبزنس النهائي لك؟
لا
انتي رح تبدين من هذا الحل وفي الطريق رح تكونين مستمعة جيدة للأشخاص (اللي عندهم المشكلة اللي تحبينها ) ومن خلال استماعك لهم وتحليلك -> تطورين الحل
ويمر الوقت و تطورين الحل أكثر
وأكثر
وممكن تغيرينه تماما
الخبر الحلو —> لما تمشين بانسجام مع بصمة روحك -> انتي فتحتي باب المعجزات -> لأنك ماشية مع الروح -> ماشية مع تيار روحك مو عكسها
عشان كذا قلتلك في البداية اني رح احكيلك عن مربط الفرس للعبة الحياة
القسم الرابع: اسئلة وإدراكات لهز الحواجز النفسية والعتقدات اللي تمنعنا من تجسيد حياة احلامنا
الثراء المالي سهل
الإدراك اللي وضحته في هذي المقالة سهل يتطبق
ولكن بينا وبين التطبيق ممكن فيه حاجز غير مرئي
هذا الحاجز عبارة عن مشاعر الخوف والشك (غالبا)
وهذي بعض الأسئلة لك عشان تبدين تهزين هذا الحاجز
يلا نبدأ نهزه
السؤال الأول:
هل تقدرين لما تصنعين الحل، ترسلين رسالة للناس اللي عندهم المشكلة وتقولين لهم عن حلك وعن المقابل المالي اللي بتبادلينه مقابل هذا الحل؟
السؤال الثاني:
هل تقدرين وانتي في طريقك لصناعة الحل، تثقين وتؤمنين بهذا الطريق؟ وتفهمين العلامات لما يدخل جهازك العصبي في حالة خطر (هذي العلامات: مماطلة، تعب وخمول ونوم، و محاولة تشتيت للنفس بأي طريقة، و عصبية، و مشاكل تصير فجأة غير مبررة …. ) هل تقدرين تكفشين العلامات، وتسوين نظام لك لتنظيم جهازك العصبي بشكل يومي؟
السؤال الثالث:
لو قدمتي الحل للشخص الأول (اللي عنده المشكلة) وما اشترى او قالك كلام محبط، هل تقدرين تكملين بإيمان وتعرضين الحل للشخص الثاني والثالث والرابع والعاشر والعشرين، وتسمعين وتنصتين لكل شخص وتعاملين كلماتهم كأصول تساعدك تعرفين كيف تطورين حلك؟
السؤال الرابع:
هل صديقاتك وعلاقاتك داعمين ويعززون ثقتك وإيمانك ويساعدونك، أو مع كل خطوة رح يقولون لك “يا مجنونة روحي توظفي وش تضييع الوقت هذا ….” هل تقدرين تحددين مين الأشخاص الداعمين لك في هذه الرحلة؟ ومين الأشخاص اللي مو لازم يعرفون عن هذي الرحلة؟ وهنا بيصير عندك اختبار في الحدود واختبار للمجتمع الداعم اللي حولك، وهل فعلا داعم أو يحتاج شوية ترتيبات؟
وبعد ما تسألين هالأسئلة وتهزين الحاجز
فيه إدراك خطير ابيك تنتبهين له
وهذا الإدراك يغير كل شيء
👇🏻
اللي يمنعنا من تحقيق حياة أحلامنا مو (السيولة المالية) أبدا …
محمد اللي حكيتلك قصته فوق، يسوي تجارب ويسافر بلدان من غير ولا ريال، ويعيش كأنه ملك،
وفيه برامج على اليوتيوب ونتفلكس لأشخاص أثرياء يسوون تحدي ويرسلونهم لدولة من غير ولا فلس او بمبلغ رمزي جدا، ويقدرون هذولي الأشخاص يصنعون السيولة المالية، اسم البرنامج -> Undercover Billionaire وفيه نسخ منه،
انا مريت بتجربة كنت مسافرة لحالي وصارلي تحدي مشابه وهذا التحدي خلاني افهم إن المال مو بطاقة صراف ولا كاش ولا سيولة مالية، هذي التجربة خلتني اشوف الأصول في داخلي وحولي وخلتني اعرف اني روح والأصول اللي حولي ارواح -> وعلى مسار الانسجام مع الروح تحدث المعجزات وهي كل يوم تحدث وكل لحظة
طيب اذا السيولة المالية ما تمنعنا من تحقيق حياة أحلامنا ، ايش اللي يمنعنا؟
نرجع لسؤال …. “كيف احقق الاستقلال وما عندي مصدر دخل؟”
حسب سؤالك، حياة أحلامك هي “الاستقلال / الحياة اللي تكونين فيها مستقلة”
شيلي “مصدر الدخل” من السؤال
وفكري معاي …
كيف علاقتك مع الاستقلال؟
كيف علاقتك مع حياة أحلامك؟
كيف علاقتك مع النسخة منك اللي يحتاج تجسدينها عشان تعيشين في حياة أحلامك؟
لأن النسخة هذي لما تتجسد -> رح تغير الواقع في طريق تجسدها -> ورح تتفاجئين ان الواقع صار “حياة أحلامك” بدون ما تحسين
لأنه يصير بالتدريـــــــــــج
خطوة صغيرة اليوم، خطوة صغيرة بكرة، خطوة صغيرة كل يوم ….. خلال ٦ شهور رح تتحول هذي الخطوات الصغيرة اللي تصنعينها اليوم لواقع ملموس
خذي صورة لحياتك اليوم، وشوفيها بعد ٦ شهور
تقبلين التحدي؟
رح يحي يوم بعد ٦ شهور أو سنة من الآن، بتكونين جالسة على كرسي أخضر في بيتك الجديد وبتشوفين الصورة القديمة وتقولين “اووووف، حلمي تحقق، توني استوعب !!”
هذا الإدراك
إدراك تقطير الأصول اللي ذكرته لك في هذه المقالة -> عبارة عن لعبة تلعبينها بشكل يومي مع حياة أحلامك عشان تتعمق علاقتكم مع بعض وبالتالي يحدث التجسيد
احنا في هذه التجربة الأرضية، عندنا خيارات كثييييرة لألعاب كثيرة
وفي كل لعبة نقدر نصنع سيولة مالية
والخيار لك، هل تحبين تصنعين هذي السيولة باستمتاع وحب وبانسجام مع بصمة الروح
او تحبين تصنعينها بطرق ثانية -> فيه طرق كثير، يعضها سهل، وبعضها صعب، وبعضها ممتع وبعضها مرهق وبعضها وسط … الخيارات لا نهائية وفي كل مرة انتي تبادلين أصول سواء كانت هذي الأصول وقتك، أو مهاراتك المكتسبة أو هباتك الربانية الفطرية أو ……
كل الخيارات متاحة …. اختاري اللي يناسبك
وتقدرين تختارين أكثر من خيار في نفس الوقت
لو انتي موظفة الآن، وظيفتك أصول …. تقدرين تستخدمين هذا الأصل في بناء مشروعك
لو انتي عايشة مع أهلك وتحسين بصعوبة في تجسيد حياة أحلامك لأنك مختلفة عنهم ← هذي الصعوبة فيها أصول ← أصول رح تعلمك مهارات مهمة لبناء مشروعك
بحكيلك شي مضحك، لما وظفت موظفين في شركتي، انصدمت انهم يشبهون أهلي، والدرس اللي كنت رافضة اتعلمه من أهلي تعلمته من الموظفين …
مافي تحدي يظهر في طريقك صدفة، لما استقليت في بيت لحالي، جلست سنتين اتعلم المهارات اللي كنت احتاج اتعلمها قبل ما استقل (ورح احكيلك قصتي مع الخطأ والمحاولة والإرهاق والتعب في بداية الاستقلال في مقالة ثانية)
وفي النهاية ….
اتمنى كلماتي تكون رفيقة لك في رحلتك للمليون الأول 🤍
لو هذي المقالة ولدت عندك اسئلة جديدة …. شاركيني السؤال
انضمي لمجتمعنا ولقاءاتنا الأسبوعية
